Aqutsisussatut ilinniartut siulliit Nunatsinni naammassipput
Aqutsisussatut ilinniartut siulliit qulingiluat ilaat Mittarfeqarfinneersut, soraarummeernerminni allagartatik tiguaat.
Aqutsisussatut ilinniartitaaneq ukiut marluk matuma siorna Mittarfeqarfinnit pilersinneqarpoq Nuummi Niuernermik Ilinniarfik qanimut suleqatigalugu.
– Mittarfeqarfinni sulisut kinguaariit tulliineq taarserneqartussanngormata taavalu sinerissami mittarfinni pisortat taartissaannik pissarsinissaq ajornakusoortuusinnaassammat, aqutsisussatut ilinniartitaanermik nammineerluta ingerlatsiniarluta isumassarsivugut. Mittarfinni pisortatut atorfeqassagaanni piginnaasanik immikkut piumasaqaateqartoqarpoq, tamakkulu ullumikkut Kalaallit Nunaanni iliniartitaanerni takussaanngillat, Mittarfeqarfinni ilinniartitaanermut pisortata jens Christian Nielsen aamma Karl Mortensen oqarput.
Taamaattorli inuit, aqutsisutut ilinniartitaanermik ukiunik marlunnik sivisussuseqartumik naammassinnittut, tamarmik Mittarfeqarfinni sulisuunngillat. Mittarfeqarfinni assartugalerisut aamma ingerlatsinermik aqutsisut/annaassiniarnissamut aqutsisut avataatigut, aamma peqataapput meeqqat atuarfiini ilinniartitsisut, politiit kiisalu faginik ilinniartitsisut peqataapput.
Aqutsisutut ilinniartitaanermi Mittarfeqarfiit periarfissaqarsimapput aqutsutut inissittussat sunniuteqarfigissallugit.
– Aqutsitut nutaat mittarfimmi pisortassatut immersorluarneqarsimapput, ilinniartitaanermut pisortat marluk nangillutik oqarput.
Aqutsisussatut ilinniartut ukiut taakku marluk ingerlanerini mittarfinni assigiinngitsuni sungiusarlutik sulisimapput. Tamarmik misilippaat mittarfimmi sioqqanik sanaami kiisalu asfaltimik sanaami sulineq, mittarfinnimi assigiinngitsuni taakkunani immikkut suleriaaseqarpoq. Sungiusarluni sulinermi aqutsisussatut ilinniartut ilaatigut mittarfinni sulinermi atugassarititaasut, suleriaatsit, inatsisinut tunngasut, aningaasaqarneq aamma mittarfimmik ingerlatsineq ilikkagaqarfigaat. Atuagarsorneq Niuernermi Ilinniarfimmi ingerlanneqartarpoq, tassani ilinniagaqartut soorlu makunani pikkorissartinneqarput, qatserineq, sillimaniarneq, matematik kiisalu ilinniartitaaneq Aqutsisoq naammassillugu.
Aqutsisutut naammassisunit qulingiluaasunit arfineq pingasut Mittarfeqarfinni, mittarfinnik 13-inik, heliportinik 6-inik aamma helistopinik 40-nik ingerlataqartuusumi, pisortatut atorfinitsinneqareerput,
2007-ip ingerlanerani angalasut 410.000-it MIttarfeqarfiit aqqusaarsimavaat. Taakku 2006-imut sanilliugu 20.000-inik amerleriarnerupput.