KNR TV-p aallakaatitassiai DR-imi
Aallakaatitassiat tallimat DR-imi takutinneqassapput. Sammineqartut tassaapput aavarneq, arfanniarneq aamma KNR.
Sapaatip akunnerata tulliani nunani avannarlerni TV-qarfiit naapeqatigiissapput nunani avannarlerni ataatsimoorussamik aallakaatitassianik paarlaasseqatigiittarfimmi Nordvisionimi, ukioq mannalu KNR aatsaavissuaq aallakaatitassianik paarlaasseqateqassalluni.
DR Finlandimi takutitassiornermi KNR-ip aallakaatitassiaasa takutinneqarnissaat isumagiumalugu neqerooruteqarpoq, DR-illu nalunaarutigereerlugu DR TV-p aallakaatitassiat arfiniliusut KNR-ip ilanngussai aallakaatinniarlugit.
Tamatumani pineqarput Tungutaq Larsenip aallakaatitassiaa ’Aaffaq Tour’ marlunnik immikkoortortalik, Kalaallit Nunaanni arfanniat pillugit Nive Nielsenip aallakaatitassiaa ’Arfanniat’ aallakaatitassiallu marluk Niels-Henrik Lyngemit KNR-ip siorna ukiunik 50-inngortorsiorluni nalliuttorsiorneranut atatillugu suliarineqartut.