Anoraasuasarnerata Norsaq Islandimukartippaa
Air Greenlandip airbusia »Norsaq« tallimanngornermi Keflavik-imukartussanngortinneqarmat ilaasut 169-it Keflavikimi unnuisussanngorput.
Sakkortuumik anoraasuasarneranik peqquteqartumik Air Greelandip Airbusia 330-200 ”Norsaq” Kangerlussuarmut tallimanngornermi missinnaasimanngilaq. "Norsaq" arfininngorpat Kangerlussuarmut ingerlaqqissaaq, kalaallit nunaanni nalunaaqutaq malillugu 07.00 tikissalluni.
Air Greenlandip ilaasut arfininngornermi apuuffissaannut apuunniarsariniarpai, immikkut timmisartuussinerit atorlugit, timmisartuutileqatigiit tusagassiorfinnut nalunaarummi ilisimatitsipput. Immikkut ittumik timmisartuussinissat Air Greelandip nittartagaani airgreenland.gl-imi malittarineqarsinnaapput.
Ilaasussat maanna Kangerlussuarmiittut tallimanngornermilu Danmarkiliartussaagaluit "Norsaq"-mut arfininngorpat ilassapput, nunatta nalunaaqutaa malillugu nalunaaqutaq 08.50 aallassallutik, Københavnimut tikissallutik danskit nalunaaqutaat malillugu nal. 17.10.