Unnuarissat kinguartinneqarput

Sapaatiuppamut paasissutissiinertalimmik ataatsimiinnissaq pilersarutaasussaq ilitsersuisussat Danmarkimeersut marluk Air Greenlandip Air busianik utiinnartariaqalermata kinguartinneqarpoq.

Nuummi »Unnuarissat« aallartinniarnerat kinguarsarneqarpoq, danskit ilitsersusuusussat marluk pilersaarutit naapertorlugit Nuummin tallimanngormat tikinngitsoormata. Tassa ilaatigut ilaasut 169-it nunarput qulaaniit isiginnaaginnartariaqarsimammassuk, sakkortuumik anoraasuaqattaarnerata Air Greenlandip airbusia tallimanngormat Islandimut arfininngornermilu Danmarkimut utertiinnartariaqarsimammagu.

Taamaattumik »Unnuarissat« pillugit soqutiginnittutnut paasissutissiinertalimmik tallimanngormat ataatsimiinnissaagaluaq kinguartinneqarallarpoq. Kisianni ulloq nutaaq sukkanerpaamik periarfissarsiuunneqartoq suliniuteqartoq Kristine Winberg sermitsiaq.gl-imut ilisimatitsivoq.

»Natteravnene« nammineq kajumissutsiminnik sulisuuppput. Meeqqat inuusuttullu illoqarfiup aqquserngini allanilu angalaartut ornittarlugillu ajornartorsiortoqalissappat ikiuutissapput.

Powered by Labrador CMS