Henson aamma Peary Qalasersuarmi nalliuttorsiutigineqassapput
Filmiliaritittartut inuillu allat Qalasersuarmi apriilip arfernganni napinniarput, ulloq taanna Qalasersuup tikinneqaqqaarneranit ukiut 100-nngussapput.
Amerikarmioq ilisimasassarsiortartoq Robert Peary siullersaalluni 1909-mi Qalasersuarmut pivoq, ingiaqatigalugit ilaatigut Uutaaq qimusseqataalu Thulemeersut aamma Mathew Henson ingiallortigilluakkani.
Ukiut 100-t qaangiunneranni ulloq malunnartinneqarniarpoq, ilaatigut peqataasoralugit Hollywoodimi isiginnaartitsisartoq Sharon Stone.Taanna 6. april Qalasersuarmi nikorfaniarluni eqqarsarpoq, sikunews.com allappoq.
Kalaallit Nunaanniit peqataassaaq Ole Jørgen Hammeken, Explorers Clubimi (Angalatuut Klubbiat aaqq.) ilaasortaasoq.
– Sulissutigaara Pearyp, Hensonip aamma Uutaap kinguaavinik peqataasoqarnissaa, Ole Jørgen Hammeken oqaluttuarpoq.
– Cape Sheridanimit 28. februaari aallarluni, apriilip arfernganni Qalasersuarmut apuunnissap tungaanut aqqutaat uniorpallaarnagu atuarniarneqarnissaa pilersarutaavoq , Ole Jørgen Hammeken oqarpoq.
Naatsorsuutigaa qimussit arfineq marluk imaluunniit arfineq pingasut Uummannameersut aamma Qaanaameersut peqataanissaat.