Danmarkimut timisartoq kinguartinneqarpoq
Air Greenlandip pingasunngornermi Kalaallit Nunaata kujataanut pingasunngornermi timmisartuussineq anorlerpallaarnera pissutigalugu tallimanngornermut kinguartippaa.
Annonse
Danmarkimut timmisartuussinerup saniatigut Kalaallit Nunaata iluani timmisartuussinerit uku: Narsarsuaq, Paamiut aamma Nuuk, kiisalu Kalaallit Nunaata kujataani qulimiguulimmik timmisartuussinerit tallimanngornermut aamma nuutinneqarput, taamak Air Greenland tusagassiorfinnut nalunaarumi ilisimatitsivoq.
Timmisartuussinissat kinguartinneqartut tallimanngorpat februaarip 13-iani ingerlanneqassapput. Boeingi "Kunuunnguaq" taamanikkussamut piffissaq timmisartuussiviusartoq eqqorlugu aallassaaq, tassa Københavnimit 09.55 aamma Narsarsuarmiit nal. 13.45.
Air Greenlandip immikkut timmisartuliinikkut ilaasunillu nuutiterinertigut ilaasut sapinngisamik amerlanerpaat tallimanngornerup ingerlaneranni puuffissaannut apuussinnaanissaat anguniarpaat.