Sorsuutiginnikusunnerup naammagittarnerullu Sana napatippaat
Sulisut uteriitsut sorsuutiginnikkusussusiisa naammagittassusiisalu DIH-imi pissutsit suli ajalusuuinnginneranut kisimik peqqutaappput..
Taamak nakorsaaneq Birgitte Asmin Schurizek Dronning Ingridip Napparsimmavissuaneersoq politiken.dk-mut oqarpoq. Nakorsaaneq naapertorlugu Dronning Ingridip Napparsimmavissuata ilumut ingerlasinnaaneranut sulisut sinnerussut uteriissusiat peqqutaasoq.
Taakkua Rigshospitalimillu kræftertunik isumaginnittuusup suleqatigiinnerat.
– Inuunerminnik navianartorsiortut nakorsartarpagut, kisianni maannakkorpiaq sorsuutiginnikkusussutsip taamaallaat imminnullu ikioqatigiinnerup pisut ingerlaannartissinnaasimavaat, oqarpoq.
Nakorsaanerup pissutsit qanoq aaqqinneqarsinnaanissaat takujuminaatsippaa. Kalaallit peqqissaasutut ilinniarsimasut 100-juupput, ukiumullu amerlanerpaamik 10-t ilinniarnerminnik naammassinnittarput.
– Isumaqarpunga tamanna naammalinngisaannassasoq - uagut nammineq sulisugut kisimik naammanngillat, Birgitte oqarpoq.
Maannakkorpiaq vikarit 34-iupput, napparsimmaviup aningaasaqartissinnaasanit 16-inik amerlanerusut. Vikarit saniatigut peqqissaasut 54-it amigaataapput, aamma nakorsat immikkut ilinniarsimasut Danmarkimi aamma massakkut assut amigaatigineqartut.
Taamaattumik nakorsaanerup Birgitte Asmin Schurizekip neriuutigaa Kalaallit Nunaanni peqqissaasunut isumaqatigiissut nutaamik isumaqatiginninniutigeqqinneqassasoq, danskit isumaqatigiissutaani pitsaanerusunngortillugu.
– Isumaqatigiissut unammillerluarsinnaasoq anguneqarsinnaassasoq neriuutigaarput, tamatuma kingorna takujumaarparput. Utaqqiisaa ikioqatigiittariaqarpugut. Qaqugu pitsaanerulerumaarsinnaanersoq oqaatigisinnaanngilara, kisianni kalaallit nunaanni innuttaasut qujanartumik assut naammagittartuupput«, Birgitte Asmin Schurizek oqarpoq.