Irena Arctica kinguaattooqqippoq
Irena Arcticap Nuummi iluarsaanneqarnissaa RAL-ip aalajangerpaa, tamannalu sapaatip akunneranik sivitsuinerussaaq.
Annonse
Nuummi Amutsivik-iup Irena Arcticap iluarsaannissaanut Royal ARctic Lineimut neqerooruteqarsimavoq. Irena ARctica sapaatip akunnerani kingullermi umiarsualivimmut apornermini saneqqamigut putuvoq. Neqeroorut taanna RAL-ip akuerisimavaa, taamalu iluarsaassinerup naammassinissaanut suli sapaatip akunnera atorneqassaaq.
Aallaqqaammut putunerata ilaartorneqarnissaa pilersaarutaavoq, kingornalu inaarlugu iluarsaannissaanut Aalborgiliaanneqassasoq.
Inuinnaat nassiussaat tamarmik Nuka Arcticanut nuussorneqarput, taamaattumik sapaatip akkunnera una ajutoornerup kingorna nalunaarutigineqartutut eqqaassanngikkaanni allamik kinguaatoortinneqassanngillat, Jens Ole Nielsen sermitsiaq.gl-imut ilisimatitsivoq.