Inuit inuunerannikakeqarsinnaavoq
DIH-mi immikkoortoqarfimmi peqqissaasup mianersoqqussutigaa maanna sulisorisat sulisoralugit ingerlatsiinnarneq inuup inuuneranik akeqarsinnaasoq.
– Napparsimasuutitsinnut inuunermut ulorianartorsiortitsilersinnaavoq sulisunik taamatut amerlatigisunik amigaateqarnerput, DIH-mi nakorsaatitortunut immikkoortoqarfimmi M 2-mi immikkoortoqarfimmi peqqissaasoq Naja Kriegel Petersen oqarpoq.
Taamatut oqarpoq marlunngormat ullaap tungaani sulisut napparsimmavissuarmi qullersanik ataatsimeeqateqarnerisa kingorna, tamatumani Sana-mi sulisoqatigiinnit tamanit sulisut 100-t sinneqartut peqataallutik.
– Qullersanit nutaarsiassaqanngilaq. Taamatut sulisukitsigitilluta DIH-mi napparsimasunik passusseriaaseq nutaaq nassaarisariaqarparput. Passusseriaaseq annikillisariaqarpoq. Napparsimasunik nakkutilliinerput pingaaruteqartorujussuuvoq nappaatillu ersiutaat paatsoorneqarsinnaapput. Tamanna sivisunerusumik uninnganermik kinguneqarsinnaavoq.
Allaaserisat allarpassuit Sermitsia/7-mi atuakkit.