KNR-imi nutaarsiassaqartitsinermut pisortaq tunuarpoq

KNR-imi pisortap Ivalo Egedep sisamanngormat nutaarsiassaqartitsinermut pisortamit Johannes Mathiassenimit soraarniut tiguaa. Soraarniuteqarnerminut tunngavilersuutigaa KNR-ip Nutaarsiassaqartitsinermut Immikkoortortaqarfia nammineersinnaassusia uppernassusialu innarnerusunnagit, Ivalo Egede tusagassiutitigut nalunaarpoq.

Pisortap Johannes Mathiassenip soraarnera ajuusaarutigaa, tassa »atorfeqarnerminimi nutaarsiassaqartitsivimmik piorsaalluarsimammat, aammalu Radioaviisi Qanoroorlu ataqatigiinnerusumik suleriaaseqalersissimammagit, kisianni taamaakkaluartoq tunuarniut tusaatissatut tiguaa.«

Nutaarsiassaqartitsivimmi nutaamik pisortamik atorfinitsitsinissap tungaanut Ivalo Egede nutaarsiassaqartitsivimmi pisortaagallassaaq.