Kulusumut timmisartornissaq arfininngorpamut kinguartippoq
Silarlunnera Air Greenlandimut ajornartorsiortitseqqippoq.
Annonse
Kulusumi mittarfik ullumi pingasunngornermi silarlunnera peqqutigalugu matoqqavoq.
Tamatuma kingunerisaanik Nuup Kulusuullu akornanni nalinginnaasumik timmisartuussinissaq ingerlanneqarsinnaanngilaq, Air Greenland ilisimatitsivoq.
Silasiortut aamma sisamanngornermi tallimanngornermilu tamaani naqutsineqarfik kissartortalik imartusiartortoq pissutigalugu silarluinnarnissaa ilimasaarutigaat. Anori arfininngorpat aatsaat inoriaqqoriassangatinneqarpoq.
Air Greenlandip timmisartumut nalingissaasumik ingerlalussaagaluartumut ilaasussaagaluit arfininngorpamut ilaasussanngorlugit nuutippai, saniatigullu timmisartuutileqatigiit timmisartuutertik King Air ilaasussanut Dash-7-imut inissaqanngitsunut assartuutissatut timmisartortinniarpaa.