?Ilulissani sermimik ikaartarfiliaq

?Norskip eqqumiitsuliortup Vebjørn Sandip Ilulissani sermimik ilusilersuaq uliissavaa, januarip 13-ianni seqineq nueqqippat.

Vebjørn Sand-ip sermimik ilusilersugaa New York-imi. Maanna Ilulissani sananeqarpoq.

Eqqumiitsuliaq taannarpiaq Vebjørn Sandip Sikuiuitsumi Kujallermi New Yorkimilu FN-ip illorsuata saavani sanasimavaa, sermimik ilusiliaq nunarsuarmi aalajangiisartut saavanni aalluni.

– Aamma takutinniarlugu nukiit inuit pilersitaasa silamik ajornartorsiuteqarnitsinnik, nammineq akisussaaffigisatsinnik, qaangiisittariaqaraatigut, Vebjørn Sand oqarpoq.

– Ilulissani sermimik ikaartarfiliaq sananeqarpoq takutinniarlugu Kalaallit Nunaata sermersuisa nunarsuarmi immat qaffasissusiannut silamullu pingaaruteqassusiat, 42-nik ukiulik Vebjørn Sand oqarpoq.

Sermimik ikaartarfiliaq eqqumiitsuliortup tusaamasarsuup Leonardo Da Vincip titartagai malillugit suliaavoq januarillu 13-iani lluliarmiut Pitoqqiup qaavani seqinnialerpata uleerneqassalluni.

Assiliisartup Bent Petersen-ip Ilulissaneersup ilusilersugaq assiliivilerluni malinnaaffiginiarpaa ullunilu aggersunit Sermitsiaq.gl-imut assit nassiuttarlugit. Sermimik ikaartarfiliornermit assit nangeqattaartuliat uani malinaaffigisinnaavatit.

Powered by Labrador CMS