Nuummi tulugaq unnuakkut sungaartuusassaaq
Taaguut unnuarissat Danmarkimi ukiuni arlalinni ilisimaneqarsimavoq. Maanna Nanu-kkormiut unnuarissanik aallartitsinialerput. Nammineq kajumissutsiminnik sulerusuttunik pissarsiorput.
Nalunaaquttap akunnialuini susassaqanngilatit - ullualuillu qasuersaarsimavit, taamalu Nuummi tallimanngornermi arfininngornermilu unnuakkut angalaarsinnaanissamut piareersimallutit, taava imaassinnaavoq Nanu-kkormiutattavigisinnaassagaatsit.
Namu-kkormiut inuit 17-init kajumissutsiminnik Nuummi unnuakkut angalaarusuttunik pissarsiorput. Inuusuttut aqqusinerni aqqusineeqqanilu naammattuukkatik oqaloqatigisassavaat, ilaatigut toqqissisimanermik pisariaqarfianilu ikiuussinnaasassallutik.
Unnuarissat Danmarkimi aqqusinerni unnuakkut angalasarnermik misilittagaqarluartut februaarip 7-iani tikissapput, unnuarissatut qanoq pissusilersuuteqarnissamik ilitsersuiartorlutik. Nanu-kkormiut aamma politiivi kommunilu piareersaaqatigissavaat Nanu-kkormiut Nuummi aqqusinermi angalaartalernissaminnut aallartitsinnagit piareersagassat tamaasa piareerniarlugit.
Inuusuttunut attaveqarnerup saniatigut jakkit atortullu atortorineqassapput, Nuummi silami angalanissamut atisatigut oqorsarsimaniassagamik.
- Allat siusinnerusukkut unnuariaasareersimasut nalunngilagut. Taakkua aamma misilittagaat tusarusukkaluarpagut, taamak Krissie Wiinberg NanuBørnene-mi siulittaasuusoq ilisimatitsivoq.
NanuBørnene quppernermi uani attavigineqarsinnaapput http://www.nanuboern.gl