ICC Bruxellesimut

ICC-Kalaallit Nunaanni præsidentip Aqqaluk Lyngep januaarip 22-ani EU-kommissioni Bruxellesmi puisit amiinut tunngasut pillugu kiisalu EU-p suinissami issittumi politikeriniagaa pillugit ataatsimeeqatigissavai.

Aqqaluk Lynga ICC-Kalaallit Nunaat aamma Duane Smith ICC-Canadameersoq apriili 2008-mi Beaufort Havemi sikusiutip Amundsenop saavani.

ICC-Kalaallit Nunaanni præsidentip Aqqaluk Lyngep Ilulissani septembarimi ataatsimiinnermi EU-p puisit amiinut tunngatillugu iliuusaanut sakkortuumik oqaaseqaatai tunngavigalugit, EU-kommissionip ICC Bruxellesimut qaaqquvaa.

Taamaattumik Aqqaluk Lyngep ukioq nutaaq aallartissanut januaarip 22-ani Bruxellesimi ataatsimiinnermik, tassani EU-kommissioni peqatigalugu puisit amiinut tunngasut kiisalu EU-p siunissami issittumut tunngatillugu politikeriniagaa oqallisigineqassapput. ICC-imi præsidentip ukiortaami oqaaseqaataani tamanna erserpoq.

ICC-imit naatsorsuutigineqarpoq Bruxellesimiinnermi Kalaallit Nunaata EU-mi sinniisuutitaata kiisalu kalaallit politikerit naapinnissaat.

ICC-Kalaallit Nunaata saniatigut aamma Inuit Canadameersut EU-kommissionimit ataatsimeeqateqarnermi peqataassapput.

Powered by Labrador CMS