Kinguartitsineq imaluunniit taamaatitsineq - assigiinngissutaat aningaasanik naleqarpoq
Timmisartut pilersaarutit eqqorlugit aallanngikkaangata kinguartitsisoqarluniluunniit taamaatitsisoqartarpoq
Danmarkimut timmisartussat taamaatinneqarluniluunniit kinguartinneqaraangat oqaaseq atorneqartoq pingaaruteqalersarpoq.
EF-imi eqqartuussut nutaaq, forordning 261, malillugu timmisartoq nunami EU-mi ilaasortami mittarfimmiit tingisussaq taamaatinneqarsimappat taava timmisartuutileqatigiiffik akiliisussanngortarpoq.
Tamanna timmisartunut ilaallutik Kalaallit Nunaaliartussanut, soorlu assersuutigalugu Kastrupimiit aallartussanut, pingaaruteqarsinnaavoq. Taamaatitsisoqarpat ilaasussat tamarmik 400 Euronik akiliiffigineqartussaammata.
Taamaattumik pingaaruteqarpoq paasissallugu timmisartoq ilaaffissat kinguartinneqarnersoq imaluunniit taamaatinneqarnersoq.
Soorlu assersuutigalugu Air Greenlandip pingasunngormat Kastrupimiit Narsarsualiartussat nalunaarfigai, timmisartoq pilersaarutit malillugit aallarsinnaanngitsoq. Taarsiulluguli tallimanngornermi januarip 16-ianni aallarumaartoq.
Sinnera Sermitsiami nutaami atuaruk.