Siunnersuinermi assistentit nutaat

Siunnersuinermi assistentit nutaat 16-it ukioq ilivitsoq ilinniagaqaqqinnertik isumaginninnerup iluani naammassereerlugu 10. januar 2009-mi Kangerlussuarmi allagartartaarput.

Ataani saamerlermiik: Amalie Kleist Kangerlussuaq, Lea Broberg Qeqertarsuaq, Kirstine Knudsen Sisimiut, Storm Odaq Qaanaaq, Laasinnguaq Thygesen Qeqertarsuaq, Ria Jensen Ilulissat, Anna Hansen Nuuk, Emilie Olsen Nuuk.Qulaani saamerlermiik: Marie Pedersen koordinator/underviser Ilisimatusarfik, Marie Jeremiassen Kangaatsiaq, Mettea R. Jeremiassen Maniitsoq, Jakobine Goliathsen Maniitsoq, Birthe Petersen Nuuk, Esther Fontain Narsaq, Bodil Mogensen Narsaq, Eva P. Josefsen Qaqortoq, Jensine Jeremiassen Ilulissat.

Siunnersuinermi assistentitut ilinniagaqaqqinneq pisortat ingerlatsiviini allaffimmiutut ilinniarsimasunut ulluinnarnili isumaginninnermik suliaqartunut sammitinneqarpoq. Ilinniarnerup siunertaaraa isumaginninnermik suliaqarnissamut ilisimatusarnissaq kiisalu siunnersuinermi assistentitut piginnaanngorsarneqarnissaq.

Ilinniartitaaneq modulikkaartumik ingerlanneqartartoq atuagarsornermik, sungiusarnermik nammineerlunilu ilisimatusarnermik imaqarpoq.

Siunnersuinermi assistentinngorlaat tamarmik kommunini isumaginninnermik ingerlatsivinni atorfeqarput.

Maanna ilisimasaqarnerulersimallutik piginnaasaqarnerulersimallutillu atorfimminnut utertussanngorput.

Siunnersuinermi assistentitut naammassisut holdit aapparaat.

Ingerlatsinermik Isumaginninnermillu Instituttip, Ilimmarfik-miittup, aammalu Ilaqutariinnermut Peqqissutsimullu Naalakkersuisoqarfiup suleqatigiillutik ilinniagaqaqqinneq ingerlataraat.

Powered by Labrador CMS