Arina Arcticap kinguaattoornera sivitsorpoq
Umiarsuup Atlantikukkoortaat Arina Arcticap silarlunnera pissutigalugu kinguaattoorsimareersup, Paamiunut tamatumalu kingorna Nuummut sapaatiuppat tikinissaa naatsorsuutigineqaraluarpoq, kisiannili kinguaattoornera sivitsussaaq.
Annonce
Arina Arctica, Kujataani umiarsuup uuliamik assartuutip Orasilap ikkarlinnerani politiinik ikiuisoq, suli angalanermini kinguaattooqqavoq. Umiarsuaq sapaammi Paamiunut tikittussaagaluarpoq, unnukkullu Nuummut apuuttussaagaluarluni. Kisianni sapaatiummat ualikkut silap ajornera aamma sermersoorneq pissutaallutik, umiarsuaq kinguaattooqqippoq.
Naatsorsuutigineqarpoq Arina Arcticap ataasinngornermi ualikkut Paamiunut tikinnissaa, kiisalu Nuummut marlunngorpat ullaakkut tikissangatinneqarpoq.
Tikiffissat pillugit paasissutissat ingerlaavartumik umiarsuaatileqatigiiffiup nittartagaani takuneqarsinnaapput.