Juliane naalakkersuisut siulittaasuannut ilinniarpoq
Ukiut 20-it qaangiuppata Juliane Henningsen Kalaallit Nunaanni naalakkersuisuni siulittaasuussaaq immaqasluunniit præsidentiussalluni.
Juliane Henningsenip isimmilluni sinnattorivaa siunissami Kalaallit Nunaanni naalakkersuisuni siulittaasunngornissani.
Taanna isumaqarpoq siunissamut sinnattoqarnissamut inissaqassasoq, tamannali peqatigalugu sinnattut piviusorpalaassapput, piviusunngortinneqassappata.
Juliane ilanngullugu isumaqarpoq sassarnissamut tunngaviulluinnartoq politikkip iluani sapinngisamik annertunerpaamik sunniuteqarusunneq.
– Qularnanngilluinnarpoq ukiut 20-it qaangiuppata misilittagarpassuaqalereersimassasunga nunarsuarmilu tamarmi pitsaasunik attaveqarfeqalersimassallunga, tamannalu aallartereerpara, Inuit Ataqatigiit sinnerlugit inatsisartunut ilaasortaq Juliane Henningsen oqarpoq.
Ukiut 20-it qaangiuppata Juliane 44-nik ukioqalersimassaaq, taassumalu siunniuppaa sinnattumi piviusunngorumaarnissaa.Taamatut sinnattoqalerpoq franskit præsidentiata siunnersortigisimasaata eqqoriareeraalu ukiut 20-it qaangiuppata Kalaallit Nunaat qanoq isikkoqassanersoq.