Meeqqat iliuuseqarfigaagut

Ilaqutariinnermut Peqqissutsimullu naalakkersuisoq Naja Petersen isumaqarpoq Kalaallit Nunaat meeqqat atugarisaannut atatillugu iliuuseqartoq

Naja Petersen, ilaqutariinnermut peqqissutsimullu naalakkersuisoq, isumaqarpoq Naalakkersuisut pitsaasumik suliaqartartut. Arlalippassuartigut meeqqat ikiorniarlugit ukioq manna suliniutissarpassuit pilersaarutaapput.

Soorlu meeqqanut akilersuutinut tapiissutit qaffanneqarput, meeqqanut tapit, siusinaartumik pensionisialinnut aamma utoqqalillutik pensionisialinnut tapit aamma qaffanneqarlutik.

Qanoq ilillusi qulakkeersinnaavisiuk aningaasat meeqqanut atorneqarnissaat, kaannginnissaannut?

- Innuttaasut kommunimut nalunaartaruteqartarnissamut pisussaaffeqarput, meeraq kaappat pissutigalugu angajoqqaat aningaasat tamaasa imigassamut atorsimappatigit, Naja Petersen oqarpoq.

Soorlu aamma ilaqutariinnut højskolit pilersinneqarput, angajoqqaat peqataaffigisinnaasaat. Maannakkorpiaq Naja Petersen ilaqutariinnut højskolinit kommuniniillu suliniutit nutaat pitsaaqutaat ajoqutaallu pillugit paasissutissanik pissarsiniarpoq.

Sermitsiaq.gl -ip Naalakkersuisut siulittaasuat Hans Enoksen oqartinniaraluarpaa.

Naalakkersuisulli siulittaasuat oqaaseqarusussimanngilaq, innersuussutigaluguli Ilaqutariinnermut Peqqissutsimullu Naalakkersuisoq Naja Petersen.

Powered by Labrador CMS