Facebook-eqatigiit akerliliipput
Atuisartut 1.500-t missarpiaanniittut Facebookimi akerliuniaqatigiinnut taaguutilinnut "Meeqqanut kalaallinut kaattunut nerisassat MASSAKKUT".
Tamatumani siunertaavoq politikerit sunnerniarlugit tatiniarnissaat, Webavisen.gl allappoq. Gruppi pilersinneqarsimavoq Kangerlussuarmi John Metzimit.
Facebook 2004-mi februarimi mark Zuckerbergimit, Havardimi ilinniagaqartumit, pilersinneqarpoq. Ullumikkut internettimi quppernerit iserfigineqarnerpaajusartut ilagaat, isumaginninnikkullu attaveqaatitut atorluni.
Ullut tamaasa 150.000-inik nutaanik ilaasortanngortoqartarpoq. Oqaatsip facebook innersuussutigai atuakkat, ilinniagaqartut assinginik assitallit amerikami universitetinut agguaanneqartartut.
Danmarkip Facebookimik atuinerpaatut Canada qaangeqqammerpaa. Qallunaat 34 procentii Facebookimi ilanngussisarfeqarput. Nunarsuarmi nunani innuttaasut peqataasut amerlassusaat eqqarsaatigalugu amerlanersaallutik, taamatut allappoq politiken.dk.
Kalaallit Facebookimik atuisartut nalunaarsorneqarsimasut qassiunersut kisinneqarsimanngilaq.