Nukappiaqqap unnerluussap inuunera sequmissaaq
Paasisinnaanngilluinnarpara sooq kalaalleq nukappiaraq Aalborgimiissanersoq, tamannami Namminersornerullutik Oqartussat siunertaanut akerliulluinnarpoq meeqqat pillugit suliassat Kalaallit Nunaanni ingerlanneqassasut. Trine Bryld taamatut oqarpoq
Trine Bryld ukiorpassuarni qallunaat eqqartuussivinnit aamma pineqaatissiisarnerannik kalaallinik pineqaatissinneqarsimasunit malinnaasimasoq atuakkiortarsimasorlu, isumaqarpoq kalaallimut nukappiaqqamut 16-inik ukiulimmut tunngatillugu kukkulluinnartumik naliliisoqarsimasoq, nukappiaraq Aalborgimi pinngitsaaliilluni annerisimasutut aamma toqqutsisimasutut unnerluunneqarsimavoq.
- Ajorluinnarpoq inuusuttut danskit pineqaatissiisarfiinut aallartinneqartarnerat. Amerlasoorpassuit oqaloqatigineqarsinnaanngillat, qanoq eqqarsarnerat ilisimaneqartanngilaq kiisalu annertuumik aseruerusussuseqalertarput. Siullermik tamanna akisuupilorujussuuvoq taavalu qallunaat immikkut pineqaatissiisarfiinut aallartitsineq iluaqutaasanngilaq, pineqartut qallunaat nunaani pissutsit ilisimariinngippatigit kiisalu Danmarki nalunagu. Ajornerujussuarmik pisoqarsinnaavoq, pisorlu manna tamatumunnga assersuutaavoq nuanninngitsoq, Trine Bryld oqarpoq.
Assut erngumassutigaa 16-inik ukiullip qanoq pinissaa, qaquguussagaluarnersoq pillagaanini naammassiguniuk.
Ullumi Sermitsiami Trine Bryld oqaloqatigineqarnera tamakkerlugu atuaruk, aamma ilanngutissavarput 16-inik ukiullip angajoqqaavisa immikkorluinnaq oqaloqatigineqarnerat.