Agnethe Davidsenip assinga erseqqissoq
Eqqumiitsuliortup Aka Høeghip inuk uninngaveqanngitsoq assullu isumassuisoq qalipallugu assilianngortippaa.
Qalipagaliortartup Aka Høeghip Nuummi 1993-2007-imi borgmesteriusimasoq Agnethe Davidsen ukiorpassuarni ilisarisimasimavaa, taamalu Aka Høeghip taamak inuttut ilisarisimannginnermigut inuk uninneq ajortoq annertuumillu isumassuisoq qalipaganngorlugu assilisimavaa.
Agnethe Davidsenimik (1947-2007) qalipagaq Nuummi qinikkat ataatsimiittarfiani qanittukkut uleerneqaqqammerpoq, qalipagaq kingornagut rådhusimi illoqarfiup borgmestererisarsimasaanut allanut ilanngullugu nivinngarneqassaaq.
- Agnethe Davidseni illoqarfimminut kommunimilu ineriartorneranut pilliuteqarsimaqaaq, Aka Høegh qalipakkani pillugu taamak oqarpoq.
– Aamma takorluukkat ingerlajuartut tassanngaannartumik ilimananngitsumillu kipitinneqarsimanngitsuuppata angusassai suli ilaqarnerussagaluaqaat.
– Nukiit imaarneqarsimanngitsut ilaat qalipagaliakkut ersersinniarsimavakka, Aka Høegh oqarpoq.
Qalipakkap uleerneqaarnerani ilaqutaasut ikinngutillu isumaqatigiissutigaat, Aka Høeghip qalipagaliamigut inuk politikerilu Agnethe Davidsen eqqorluinnarsimagaa.
Uleersinermit assilisat uani tausinnaavatit her