Kalaallit Nunaanni Salmonellartoqarpoq
Oqartussaasut ukioq manna salmonella-rtut arlallit nalunaarsorsimagaat Ritzau allappoq.
Napparsimalernerit Danmarkimi nappaalanerit februarimi aallartinnerisa kinguneraat. Taamalu oqartussaasut DTU-miit immikkut ilisimasallit, Inuussutisanut ministeriaqarfik, Inuussutissanik Nakkutilliisoqarfik aamma Statens Seruminstitut peqatigalugit nappaatip aallaavia nassaariniarsaraat.
Oqartussaasut naalagaaffeqatigiiffimmi inuit ullumikkumut 1193-it salmonellamik qaqutigoortumik aatsuuttumillu - Typhimurium U292 - tunillatsissimasut nalunaarsorsimavaat, taamak Inuussutissanik Nakkutilliisoqarfik ilisimatitsivoq.
Immikkut ilisimasallit napparsimalersimasut napparsimalertinnagit pisiniarneranni kvitteringii nioqqutissallu nerisassiat suli nerineqarsimanngitsut misissoqqissarpaat. Kisianni aaqqiissutaasussaq aalajangiisuulluinnartoq suli amigaataavoq.
Napparsimasut siulliit februaarimi napparsimaleqqaarput. Kingorna napparsimasut amerliartorsimapput, taamaattumillu nuna tamakkerlugu agguataarlutik 1200-nit nalunaarsorneqarsimasunit amerlanerujussuusinnaanerat oqartussaasut nalilerpaat.
Inuit salmonellamik tunillatsissimasinnaanermik pasitsaassaqartut nakorsiartariaqarput. Nappaammut ersiutaapput timminneq, naarlunnerit, meriarneq immaqalu aamma kissarneqarneq, ersiutillu ullut arlersinnaasarpaat.
Tunillatsissimanermik pasitsaassaqaraanni nerisassat napparsimalernissaq sioqqullugu nerineqarsimasut qoqqornerisigut misissuinermut iluaqutaasinnaavoq.