Najugaqanngitsunut juullimi tunissutit
Nuummi najugaqanngitsut 20-it sinneqartut ilimaginngisaminnik Nuka Greenland A/S-imit juullimi tunissutisipput.
– Nuannersorujussuuvoq inoqarmat uummatigissorsuarnik, Storm Ludvigsen Nuummi najugaqanngitsut ornittarfianni suilsoq, oqarpoq.
Taanna ullut marlussuit matuma siornatigut Nuka Greenland A/S-imik piginnittumit Jakob Berthels-imit sianerfigineqarpoq najugaqanngitsunut tunissuteqarusulluni. Tunissutillu sapaatpiummat decembeirp 21-ianni Nuukullammi ornittakkami agguaanneqarput. Tunissutillu tassaapput poortukkat kavaajamik oqortumik, fleesemik, qarlippaanik, aaqqatinik natsanillu imallit.
– Jakob Berthels sianermat uninngasinnaajunnaapajaarsimavunga, tassa tamanna ilimagisimannginnermik. Tunissutit tunniussai qujamasuutigisorujussuvagut, Storm Ludvigsen Sermitsiaq.gl-imut oqarpoq.
Isumassarsiallu pilerneraniit tunissutit agguaanneqarnerannut piffissaq sivisunngitsoq ingerlavoq.
– Najugaqanngitsut oqiitsunik atisaqarlutik illoqarfimmi angalaartut takusarsimavakka. Taamaattumik tunissutissaliorluta aallartissimavugut. Ullunimi makkunani isseqaaq. Tamakkua tassa najugaqanngitsunut juullimi tunissutissakka, Jakob Berthels Sermitsiaq.gl-imut oqarpoq.
Najugaqanngitsut ornittagaat juullimi nalliuttuni tamani ammassaaq.