Lars-Emilip juulli nunanaraa
Siumumili politikeriata nuimasup Lars-Emil Johansenip orpissiniarnissaq qaqutiguinnaq angumerisarpaa.
Inatsisaartuni folketingimilu ilaasortaq taamak Ritzau-imut politikerinut arlalinnut juullimi ileqqutoqqat pillugit apersuisimasumut ilisimatitsivoq.
Nuummi avannaani immikkut mamarineqarluartartut pissarsiariuminaattarput: Aqissit siatat. Taamaattumik kalaalerpassuit savatunngikkuni nerlertuuttarput, risalamnde-nik knguleqqiuserlutik, politikeri ilisimatitsivoq.
Lars-Emil siorna savap qitianik naatsianik kajorsakkanik salatinillu akusanik neqitorpoq. Lars-Emil Johansen imigassartortuunngilaq, taamaattumik Cola Lightitunngikkaangami imermik iggisertarpoq.
- Angerlarsimaffinni juullimut pinnersaaterpassuaqarpunga, ullorissat, naneruutit, qaajasut nivingasussiallu, kisianni orpeqanngilanga. Nuummi orpissiniarnissannut kingusinaartuaannavippunga, tassalu maannakkut nungoreerlutik, Lars-Emil Johansen oqarpoq.
Orpissisisinnaagaangami silami aneerasaartarfimmi qulleeralersorlugu inissinneqartarpoq. Nalinginnaasumik juullerujussuarmi ullaakkut nal. 08.00 aatsaat naalagiartarpoq, Nuummi oqaluffiit juulliaqqami unnukkut ulikkaavissimasarmata.
- Juulli ullullu jullerfiusut nuannareqaakka. Ikinngutit ilaquttallu sammilluarnissaanut periarfissatsialaavoq, immitsinnullu ajunngitsuliorfiginissatsinnut, nuannisaarnissaq, pinngortitaq nuannisarfigalugu sivisuumillu pisuttuarnissaq, apummik nivanneq ulluinnarnilu suliarineq ajukkanik suliaqarneq, Lars-Emil Johansen oqarpoq.
lars-Emil Sapaatiummat juullisioriartorluni Nuummut tikippoq.