Juulliaqqami kalaallisut naalagiarneq
Aalborgimi oqaluffik naalagianik ulikkaarpoq naalagiareernermi kaffisoqatigiittoqarpoq
Aalborgimi Hans Egedes Kirke ukioq manna aammaasiit ulikkaavippoq, tassami naalagiat 350 angullugit Juulliaraq naalagiarlutik aallarnerpaat domprovsti soraarneq Ricard Petersen kalaallit naalagiarneranni oqaluussisoralugu.
Naalagiaqatigiinneq pisarnermisut erinarsoqatigiit Aalborgimeersut Ikinngutigiit tussiaqattaartoralugit nuanneqisumik ingerlanneqarpoq, taakkulu taamaalaat Juulliaqqami misigineqarsinnaasumik misigititsipput, soorunami "Guuterput" naggasiutigineqarpoq.
Naalagiarnerup kingorna Aalborgimi kalaallit peqatigiiffiat - Ikinngutigiit - kalaallit illuani qanittumiittumi kaffillerput, peqataasullu angerlarlutik igaassaminnik ikkussiartunnginnerminni tamarmik Juullimi pilluaqqoqatigiissinnaapput.