Aalborg Lufthavnip Billund unammillerpaa
Mittarfeqarfiup Kalaallit Nunaannut toqqaannartumik aqquteqalernissat pillugu maannakkorpiaq isumaqatiginninniutigaa, Jyllandsposten allappoq.
Mittarfeqarfiup jyllandip avannaaniittup ilaasartut Jyllandip kujasingaatsiaaniittut tiguarniarpai. 2013-imi normu 3-ngornissaq anguniagaavoq. Akeqanngitsumik biilinut uninngaveqarneq pilerisaarutinut ilaavoq.
Islandimiut timmisartuutileqatigiiffiat Iceland Exspress aasamut timmisartuussisarnissani Aalborgimiit Reykjavikimut toqqaannartumik aqquteqalernissaq pilersaarutaavoq.
- Uagutsinnut miitarfeqarfimmi akikitsumik timmisartuussisarnissaq pingaaruteqarpoq, ilaasartugut akikitsumik angalasinnaaniassammata, Søren Svendsen, Aalborg Lufthavnimi piosrtaasoq oqarpoq.
Mittarfeqarfiup Kalaallit Nunaanut toqqaannartumik aqqummik pilersitsinissaq isumaqatigiinniutigaa. Aamma Spaniami Alicantemut, Finlandimi Helsingforsimut aammalu Stockholmip eqqaanit mittarfeeqqamut Brommamut timmisartuussisarnissanut soqutiginnittoqarsimavoq.
Aalborgip aasamut timmisartuussisarnerit aallartinnissaannut charterinik timmisartuussinissanut assigiinngitsunut 11-nut timmisartuussinissat 18-it pilersaarutigai. Billundimut charterimik angalatitsisartut mittarfinnaavannut sanilliullugu suunngikkaluarpoq. Kisianni timmisartuussisarnerit taamaattut ukiuni kingullerni amerliartorusaartuarsimapput.
- Aalborg Lufthavn tikikkuminartuunermigut malunnartumik iluaqutissartaqarpoq, motorvej E45 eqqannguani inissisimammat. Biilit akeqanngitsumik inississinnaanissaat aamma pilerisaarut pitsaviuvoq, Ole Kirchert Christensen angalatsistinermi akunnermiliuttartoqarfimmi Travelbrokerimi pisortaq oqarpoq.