Dronningi inuiattut ullorsiornermi tikissaaq
Dronning Margrethe Kalaallit Nunaannut ukiortaami pilluaqqusivoq.
Dronning Margrethe juunip 21-iani Kalaallit Nunaat nalliuttorsiutigiartorlugu Kalaallit Nunaannukassaaq. Dronningi ukiortaami oqalugiaammini ilaatigut taamak oqarpoq.
- Kalaallit Nunaat uakiaq manna innuttaasut novembarip 25-iani taasitinneqarneranni pingaarutilerujussuarmik aalajangiivoq. Inuiattut ullorsiornermi juunip 21-iani Kalaallit Nunaanniinnissannut qilanaarpunga, taamanikussamut Danmarkip Kalaallit Nunaatalu akornanni attaveqatigiinnermut toqqammavissat nutaat atuutilissapput. Danmarkip Kalaallit Nunaatalu akornanni qanimut akaareqatigiiffiusumillu suleqatigiinerup ingerlaannarnissaanut qilanaarpunga. Kalaallinut inuiaqatigiinnut angerlarsimaffinnullu ataasiakkaanut tamanut ukiumut nutaamut iserluaqqusivunga.