Ukiortaarsiornissat iganermut allanngortinneqarput.
Erik Brogaard aamma Leif Aagaard Nuummeersut atsipatik kangujarterlugit igasuatsianngorput. Timmisartukkut angalasut 25-it nuummeersut ukiutoqarsiornissamut pisiniariarsinnaasimanngillat.
- Qanoruunniit mamaqaraluarpata naammagittartariaqassapput. Inunnut taamak amerlatigisunut nerisassiorneq sungiusimanngilara.
Taamak Leif Aagaard oqarpoq, timmisartukkut angalsussaagaluit ualimut nalunaaqutaq marluk qaangilaaraa hotelit matoqqasut pisiniarfiillu matoqqasut ingerlariaqqissinnaajunnaarsimasut paasigamigit ukiutoqarsiornissamut pilersaarutit tamaasa unitsippai.
Erik Brogaard peqatigalugu ilaasut ingerlariaqqissinnaajunnaarlutik Hotel Nordbomi naammaginartumik unnussiorsinnaaqqullugit suliniuteqarlutik aallartissimapput.
- Suummi tamarmik matoqqapput neriniaretarfiutillillu unnummut nerisassanik pajuttussat tamarmik ulikkaaqqallutik. Taakku 25-it kaatissinnaanngilagummi, taamaattumik aallartittariaqarpugut, Erik Brigaard oqaluttuarpoq.
Angalasussaagaluit Mini Markedip qulaani inini inissisimapput, nalunaaqutaq qulingiluanut nerisassat assigiinngitsut pingasut sassaalliutigineqassallutik, rejecocktail, nersussuup neqaa sikulu.
- Ukiortaarpalaartutuannguit tassapput serviettit, sinneri tamarmik nungorarsimagamik, Leif Aagaard oqaluttuarpoq.