Telefonit Upernaviup eqqaani nunaqarfinni attaveeruppoq
Kalaallit Nunaata avannaani sila akornusersuisimavoq, silarlunnera peqqutigalugu qulimiguulik pingasoriarluni utertariaqartarsimalluni. Teknikeri repeatereqarfimmik iluarsaasisussaq qulimiguulimmut ilaasimagaluarpoq.
Annonse
Nunaqarfinnut Upernaviup eqqaaniittunut telefonikut attaveqaatit arfininngormalli matooqasimapput. Pineqarput Kullorsuaq, innaarsuit, Tasaiusaq aamma Nuussuaq Nutaarmiullu. Tassa Upernaviup eqqaani Qaarsorsuup nuuani radiokædeqarfimmi repeaterstationi kukkuneqarpoq.
Attaveeruttut telefonikkut attaveqaataannaanngillat. Aamma GSM, Internet aamma MPLS attaveeruteqqapput.
- Sila peqqutigalugu teknikeri qulimiguulimmik apuunneqarsinnaasimanngilaq. Sapaammi, ataasinngornermi ullumikkullu misiliisimagaluarpugut. Qaarsorsuup nuua nuissanik matusimavoq, ullumikkullu apuussinnaanissarput naatsorsuutiginngilarput. Aqagu misileeqqissaagut, Tele ilisimatitsivoq, pisorlu ajuusaarutigalugu.
KNR FM aamma TV pineqartumit eqqorneqangillat.