Tikaagullittat pinnaassutissanngortinneqarput
Tikaagullinnik pisassiissutit 200-juusut sinnerisa sapinngisamik amerlanersaasa pisarineqarsinnaanissaat qularnaarniarlugu Aalisarnermut, Piniarnermut Nunalerinermullu Naalakkersuisup aalajangerpaa, tikaagullit pisassiissutigineqarsimasut sinneri 53-it kikkunnilluunniit ataatsimoortumik piniarneqarsinnaalissasut.
Pisassiissutit sinnerisa kikkunnilluunniit ataatsimoortumik piniarneqarsinnaalernerinut atatillugu Aalisarnermut, Piniarnermut Nunalerinermullu Aqutsisoqarfiup Namminersornerullutik Oqartussaq arfernik angisuunik piniartarneq pillugu nalunaarutaanni nr. 10, 2005-imi apriilip 13-ianeersumi ataatsimoorluni piniarneq pillugu aalajangersakkat immikkut maluginiaqqullugit:
- Inuussutissarsiutiglaugu piniarnermut allagartamik piginnittuusut kisimik piniarnermi peqataasinnaapput.
- Umiatsiaaqqat ikinnerpaamik tallimat peqataassapput, aamma sakkut pillugit piumasaqaatit eqqortinneqassapput, takuuk nalunaarut - piniarnerni suniluunniit.
- Piniarneq aqutsisumit aqunneqassaaq, taanna akuersissummik tigumminnittuussaq, aammalu pisamik nalunaarutiginninnissamut akisussaasuulluni.
- Pisarineqartut tamarmik Aalisarnermut, Piniarnermut Nunalerinermullu Aqutsisoqarfimmut ingerlaannartumik nalunaarutigineqassapput, aamma
- Ataatsimoorussilluni piniarneq taamaallaat qatsungasumik ingerlanneqassaaq (2 m/s tikillugu), taamaalilluni piniarnerup iluatsilluarnerpaaffissaa qularnaarneqassammat.