Qaqortumi juullimut niuffanneq
Qaqortumi arfininngormat juullimut niuffapput. Aaqqissuussinermit assit takukkit.
Annonse
Qaqortumi Niuernermut Ilinniarfik arfininngormat juullimut niuffannermut avalequtsiussisuuvoq, innuttaasullu aemrlaqisut pisarnertut juullimut niuffannermut ornigukkusissimapput.
- Inuit pilersitseriallaqqissut qanittumeersut ungasissumeersullu suliarisimasatik tuniniarpaat, kaaginik juullisunnitsuniit, nissiaqqanut juullimullu pinnersaatinut assigiinngitsorpassuanik ilusilinnut, Ole G. Jensen sermitsiaq.gl-imut allappoq.
Niuernermik Ilinniarfiup silataani tuttut savallu neqaat assigiinngitsunut tunisassiarpassuit aamma tuniniarneqarput. Panertut, pujuukkat, tarajortikkat qerisullu.
Qaqortumi innuttaasut aamma ilaatigut pisiarisinnaavaat nuiersakkat allallu juullerpalaartuliat.