Nunatta Juullip Inua Aalborgimi
Nuannivissumik ileqquulersimasutut Juullip Inua Aalborgimut tikeqqippoq, juullerpalaarneq nuannaarutissarpassuillu tamatumalu nassatarisaasa aallartinneqarsinnaanerat nalunaarutiginiarlugu.
Ukioq manna Juullip INua angummit allamit nuimasumit aamma avannaaneersumit tikilluaqquneqarpoq, tassa inatsisartuni ilaasortamit Jonathan Motzfeldtimit. Aalborgip borgmesteria Henning G.Jensen peqatigalugu meerarpassuillu pissangaqalutik tikilluaqqusisoralugit, Juuntaap niuffiortut tamaasa ilisimatippai Kalaallit Nunaanni nilleraluaqisoq taavani kalaallit ernumagineqassanngitsut, tassagooq kalaallit nalunnginnamikku qanoq iliorlutik inooriarnissaq.
Tamatuma kingorna Juullip Inua Juuntaarlu kalaallisut oqaloqatigiippaluttut tusarsaapput, oqaloqatigiinneranni oqaatsit Aalborg aamma Kalaallit Nunaat tusarsaapput, kisianni oqaloqatigiinneranni sunarpiaq pineqarnersoq suli isertugaasariaqarpoq.
Tamatut Juullip Inuata Aalborgimut tikeraarnera ukiut 19-ini tulleriiginnartuni pivoq namminerlu nipini atorlu "Juullimi Pilluaritsi!" aamma "Ho-Ho-HO" apuullugit.