Maassannguaq innersuunneqarpoq
Taalliortoq inussuttoq Qaanaameersoq atuakkiornermi nersornaat pillugu arnanut nukittuunut unammissaaq.
Nunat Avannarliit atuakkiornermik nersortaataa 350.000 koruuninik aningaasartaqartoq apriilip 3-ani agguaanneqassaaq.
Komite naliliisartoq atuakkiortut 12-it innersuunneqarsimasut nunanit avannarlersnnersut, Savalimmiuneersut, Kalaallit Nunaanneersullu qanittukkut tamanut saqqummiuppaat.
Nersornaat ukioq kingulleq atuakkiortumut Naja Marie Aidt-imut tunniunnearpoq, atuakkiai naatsut katersat "Bavian".
Ukioq manna danskit innersuutaat tassaapput Helle Helle, atuakkiaa "Ned til hundene" aamma Ursula Andkjær Olsen, atuakkiaasa naatsut katersornerat "Havet er en scene". Islandimiit taaneqarput Auður A. Ólafsdóttirs atuakkiaa "Afleggjarinn" - qallunaatut nitserneralugu "Stiklingen" - Kalaallit Nunaannillu innersuunneqarpoq inuusuttoq Maasssannguaq Qujaukitsoq Qaanaameersoq atuakkiai naatsut kartersat »Sisamanik teqeqqulik« - kalaallit nunaanni kitaamiusut, avanersuarmiusut, danskisut tuluttullu allanneqarsimasut.
- Innersuunneqarsimagama assut tupaatigisimavara, kisianni aamma nuannaaqaanga, Maassannguaq Qujaukitsoq KNR-ip Radioaviisianut oqarpoq, nangillunilu oqarluni »taalliorneq tiguartiffigisarlugu«.