Juulli imigassamik aalakoornertaqanngitsoq

Narsami ukiup aappassaa tulleriisinnarlugu meeqqanut inuusuttunullu arlaannik peqquteqartumik angerlarsimaffimminni juullisiorsinnaanngitsunut ataatsimoortumik juullisiortitsisoqassaaq.

Meeqqat, inuusuttut inersimasullu 30-it 40-llu akornanniittut siorna aaqqissuussinermi peqataapput.
Helgap Nikkulaallu meeqqanut inuusuttunullu juullisioqatigiisitsisarnermik ileqqoq ingerlateqqippaat.
Meeqqat, inuusuttut inersimasullu 30-it 40-llu akornanniittut siorna aaqqissuussinermi peqataapput. Helgap Nikkulaallu meeqqanut inuusuttunullu juullisioqatigiisitsisarnermik ileqqoq ingerlateqqippaat. Meeqqat, inuusuttut inersimasullu 30-it 40-llu akornanniittut siorna aaqqissuussinermi peqataapput. Helgap Nikkulaallu meeqqanut inuusuttunullu juullisioqatigiisitsisarnermik ileqqoq ingerlateqqippaat. Meeqqat, inuusuttut inersimasullu 30-it 40-llu akornanniittut siorna aaqqissuussinermi peqataapput. Helgap Nikkulaallu meeqqanut inuusuttunullu juullisioqatigiisitsisarnermik ileqqoq ingerlateqqippaat.

Helga Motzfelddt aamma Nikolaj Poul Korneliussen tamarmik 20-ikkut aallartilaarlugit ukiullit kajumissutsimik aaqqissuussami illoqarfiup suliffeqarfiinit namminersortunit innuttaasunillu aningaasaliiffigineqartumi isumassarsisuupput.

Ukioq manna aaqqissuussineq annermik meeqqanut inuusuttunullu immikkut pisariaqartitsisunut sammitinneqassaaq.

- Meeqqat inuussuttullu amerlavallaat imminornikkut annaasartakkavut ammerlavallaarput, peqatigitillugulu meeqqat ukiukitsut naamaarniartalersimallutik, Helga Motzfeldt oqarpoq.

Juulliaqqap unnukkuani ataatsimoorluni nereqatigiittarneq ukiut sisamat matuma siornagut Helgami aallartissimavoq.

- Meeqqat amerlasuut juulliaqqami unnukkut imminerminni imertoqartarmat angerlarsimaffimminniikkusunngillat. Taamaattumik taamatut aaqqissuussineq aallartissimavarput, meeqqat inuusuttullu toqqissisimasumik imigassamillu aalakoornartulimmik akoqanngitsumik juulliararsiorsinnaaniassammata, Helga Motzfeldt oqarpoq.

Aningaasat tunissutissallu qanoq amerlatigisut isertinneqarnersut apeqqutaatillugu aaqqissuisut ilaqutariinnut pissakilliortunut aamma juullimut koorimik tunniussisarput.

- Annermik angajoqqaat suliffissaaleqinermik eqqorneqarsimasut kisimiittuunerusarput, kisianni ataatsimoorutigaat ilaqutariit meerartaqarnerat.

Kommunip illuutaa A-21 ukioq manna amma juulliaqqap unnukkuani juullisiortitsiviussaaq, juullisunnitsunik nerisoqarlunilu orpik kaavinneqassalluni tunissutissallu agguaanneqassallutik.

Powered by Labrador CMS