Ikuallattoqarneranut kalerrisaatut meeqqat tigulluarpaat

Nuummi Kangillinnguit Atuarfianni ikuallattoorsinnaanermut sungiusarneq marlunngormat iluatsilluartumik naammassineqarpoq. Atuarfik minuttit marluk ingerlaneranni inuerunneqarpoq.

Qatserisartut takkummata meeqqat Butik Nataliep eqqaani katersuutereersimapput.
Qatserisartut pisortaata Knud Petersenip sungiusarneq iluatsilluartutut oqaatigaa.
Qatserisartut takkummata meeqqat Butik Nataliep eqqaani katersuutereersimapput. Qatserisartut pisortaata Knud Petersenip sungiusarneq iluatsilluartutut oqaatigaa. Qatserisartut takkummata meeqqat Butik Nataliep eqqaani katersuutereersimapput. Qatserisartut pisortaata Knud Petersenip sungiusarneq iluatsilluartutut oqaatigaa. Qatserisartut takkummata meeqqat Butik Nataliep eqqaani katersuutereersimapput. Qatserisartut pisortaata Knud Petersenip sungiusarneq iluatsilluartutut oqaatigaa.

Ikualllattoqarnerannut kalerrisaarut marlunngornermi ullaap tungaani nal. 10.00 aallartinneqarpoq. Qatserisartut minuttit marluk qaangiunneranni takkummata atuartut 475-it tamarmiusut ilinniartitsisutik ilagalugit atuarfiup silataaniipput.

– Marlussunnik iluarsisassaqalaarpoq, taakku eqqaassanngikkaanni sungiusarneq iluatsilluartutut taarusuppara. Kalerrisaarutip aallartinneraniit minuttit marluk qaangiuttut takkukkatta meeqqat tamarmik atuarfiup illutaa qimassimavaat, Nuummi Qatserisartut ittuat Knud Petersen sermitsiaq.gl-imut oqarpoq.

– Atuarfiup iluani namminermi kalerrisaarut aallartinngitsoorpoq. Taamaakkaluartoq meeqqat tamarmik kalerriortorneqarsimapput. Aamma ilinniartitsisup ataatsip asuli kalerrisaarutaasoq meeqqat oqarfigisimavai. Taamaakkaluartoq meeqqat tuaviinnaq atuarfimmiit aninissaannut akornutaasimanngilaq, taamalu takukkatta meeqqat tarmarik Nataliep eqqaanit katersuussimapput. Assorsuaq torrallassimavaat, Knud Petersen oqarpoq.

– Sungiusartarnerit taamaattut uagutsinnut assorsuaq pingaaruteqarput, tassa meeqqat taamatut pisoqartillugu qanoq qisuariartarnersut uagutsinnut paasissallugu pingaartuummat, Knud Petersen oqarpoq.

Ikuallannermut sungiusarneq aamma atuarfiup suliuinut ilinniarfiusimavoq.

– Qatserisartut ilinniartitsisunut siunnersuipput, atuarfiup pisortaa Johanne Olsen sermitsiaq.gl-imut oqaluttuarpoq.

– Ilinniartitsisut atuarfik qimatsinnagu igalaat matullu tamaasa matoornissaat oqarfigineqarsimapput. Aamma klasset inaat qimatsinnagu meeqqat kiseqqaarnissaat isumageqqaartussaasimavaat, silataanullu pigunik kiseqqittussaasimallugit, Johanne Olsen oqarpoq.

Atuartut ilinniartitsisuilu ikuallattoqarnerani sungiusartoqartussaasoq siumut ilisimatinneqareersimapput, kisianni sungiusarnerup qaqugu pinissaanik oqaluttuunneqarnatik.

Powered by Labrador CMS