Isertitakinnerit akeqanngitsumik
Angajoqqat 100.000 kr.-init ikinerusunik ukiumut isertitaqartartut Kommuneqarfik Sermersuumi meeqqerivinnut akiliisarunnaassapput, akerlianilli illoqarfinni tallimaasuni nunaqarfinnilu akiliutit assigiinngisitaarallassapput.
- Nuannaarutigaara kommunimi angajoqqaat tamarmik 100.000 koruunit ataallugit isertitaqartut akiliuteqartarunnaarsinneqarmata. Taakku saniatigut akunnattumik isertitaqartut akiliuteqartarnerannik oqilisaaffigineqangaatsiassapput, ikaarsaariarnermut ataatsimiititaliami siulittaasoq Asii Chemnitz Narup oqarpoq.
Kommuneqarfik Sermersuumi ikaarsaariarnermut ataatsimiititaliap tamarmiusup akinik allanngortitsineq tapersersorpaat. Qaffaanerit pinngitsoortinneqarsinnaasimanngillat ataatsimut isigalugu aningaasarsiat akillu qaffannerat (4 %), arlalippassuillu 100 kronit ataallugit.
- Missingersuutit suliarineranni pingaartissimavarput assigiimmik tunngaveqarluta akiusut tamarmik sumiiffinni ataasiakkaani ingerlatsinermut ullumikkut aningaasartuutaasartut aallaavigalugit procentiannit naatsorsorneqarnissaat, Asii Chemnitz oqarpoq.
- Paasisimavarput sumiiffinni ataasiakkaani missingersuusioriaatsit allaffissornikkullu ingerlatsinerit assigiinngitsorujussuusut, taamaattumik nalimmassaanerit ukiuni tulliuttuni marlunni ingerlanneqarallassapput. Ikaarsaariarnermut ataatsimiitaliap ataatsimoorlutik politikkikkut anguniagaraat meeqqeriveqarnermut tunngasut tamarmiusut 2009-mi misissueqqissaarfigineqarnerat aallaavigalugu suli annertunerusumik nalimmassaasoqassasoq perorsaanermi neqeroorutigineqartut akillu eqqarsaatigalugit, Asii Chemnitz Narup oqarpoq.
Qanoq akiliisalissanerlutit talerpiatungaani takusinnaavat.