Kalaallit Nunaat FN-ip kulturikkut kingornussassat allattorsimaffiannut

Kalaallit Nunaata Kalaallit Nunaata Kujataani siunnersuutit arlallit qanittukkut UNISCO-mut kattuffissuup nunarsuarmi kulturikkut kingornussassat annersaasa allattorsimaffiannut ilannguteqqullugit qinnuteqaatiginialersaarpai.

Sumiiffiit Qaqortup eqqaaniittut sisamat nunarsuarmi kingornussassat allattorsimaffiannut siunnersuutigilersaarneqarput.

Kalaallit Nunaata nunatta kujasinnersaani sumiiffiit arlallit FN-ip suliniaqatigiiffiata nunarsuarmi kingornussassat allattorsimaffiannik taaneqartartumut pisortatigoortumik qinnuteqaateqarnissaa piariilerpoq, berlingske.dk allappoq.

Kalaallit Nunaata nunatta Kujataanni sumiiffiit sisamat ataatsimoortumik UNESCO-mut ilanngunneqarnissaannut qinnuteqaat nassiunniarpaa. Sumiiffiit tassaapput Kalaallit Nunaanni nunalerinermut tunngaasuupput, vikingit imaluunniit qallunaatsiaat 900-kunni takkunneranniit ullumikkumut atorneqartut, ullumikkut kalaallit taamanikkutuulli savaateqarnermik ingerlatsisuullutik.

Suliniut aamma Issittumi nunalerinikkut ukiuni 1.000 kulturi. Kalaallit Nunaata Katersugaasivianeersoq Georg Nygaard naapertorlugu kalaallit qinnuteqaat febriuaarimi nassiukkusussimagaluarpaat. Kisianni teknikkikkut suliniutitigullu ajornartorsiuteqarneq peqqutigalugu qinnuteqaat aatsaat 2010-mi nassiunneqassaaq.

Georg Nygaardip Issittumi ukiuni 1.000-ini nunalerinikkut kulturi nunarsuarmi kingornussassat allattorsimaffiannut qaqugu inissinneqarumaarsinnaanersoq eqqoriarusunngilaa.

- Qangarsuaq nunalerineq ullumikkullu nunalerineq qinnuteqaatitsinni assut pingaartippagut. Sumiiffiit qallunaatsiaat najugarsimasaat ullumikkut savaatillit aamma najugaraat. Nunat ullumikkut savaateqarnissamut piukkunnartut taamanersuaq aamma atorneqarsimapput, Georg Nyggard nassuiaavoq.

Ataatsimoortumik innersuussineq innersuussinernut Kulturikkut kingornussassanik aqutsisoqarfiup misiligutitut innersuutereersimasaanut assingiuvoq. Allattorsimaffik taanna nunarsuarmi kingornussassat allattorsimaffittavimmut danskit kalaallillu siunnersuutaannik imaqarpoq. Misilitassasut allattorsimaffimmi ilaapput nunatta kujataani Hvalsø-kirkeruin, biskopeqarfiusimasut Gardar aamma Brattahlid, taakkulu nunarsuarmi kingornussassat allattorsimaffiannut siunnersuutitut allassimapput.

Misilitassatut siunnersuutaavoq aamma Kalaallit Nunaannut tunngatillugu Kalaallit Nunaata Kitsaanni Sisimiut kujataanni Aasivissuit aamma Arnangarnup Qoorua.

Kalaallit kingusinnerusukkut taakku aamma UNESCO-p allattorsimaffiutaanut ilanngunneqarnissaat pisortatigoortumik qinnuteqarsinnaanerat Georg Nygaardip tuniartinnianngilaa. UNESCO-mut qinnuteqaatip Danmarkimi Kulturikkut nakkutilliisoqarfik aamma Kulturministeria aqqusaaqqaartussaavaa, taamalu nakkutilliisoqarfimmit pisortap tulliata Anne Mette Rabækip nalilerpaa, kalaallit ataatsimoortumik Issittumi ukiuni 1.000-ini nunalerineq-rup "i spil til verdensarvslisten"-imut ilanngussinnaanissaat periarfissaqarluartoq.

-Allattorsimaffik sumiiffinni issittunut ilaatinneqarpoq, nassuiaavoq.

Ilulissat kangerlua nunarsuarmi kingornussassanut ilanngunneqareerpoq.

Powered by Labrador CMS