Ileqqutoqaq naggataarpoq

DR-ip nunatsinnut Juullimut Pilluaqqussusisarnera Rosenørns Allé-mi Radiohusip koncertsalianit kingullerpaamik aallakaatinneqassaaq, kisianni aallakaatittakkap nuannarineqarluartup unitsinneqarnissaa pilersaarutigineqanngitsoq DR eqqissisaavoq.

DR-ip nunarsuarmi aallakaatitassiat suli ingerlasut pisoqaanersaannik ileqqutoqaasoq nangissavaa, Kalaallit Nunaannut juullimut Pilluaqqussut.
DR-ip Juullimut Pilluaqqussutaa 76-issaa aallakaatinneqassaaq.
Julie Berthelsen ukioq manna aamma ilisarititsisuusassaaq....
DR-ip Juullimut Pilluaqqussutaa 76-issaa aallakaatinneqassaaq. Julie Berthelsen ukioq manna aamma ilisarititsisuusassaaq.... DR-ip nunarsuarmi aallakaatitassiat suli ingerlasut pisoqaanersaannik ileqqutoqaasoq nangissavaa, Kalaallit Nunaannut juullimut Pilluaqqussut. DR-ip Juullimut Pilluaqqussutaa 76-issaa aallakaatinneqassaaq. Julie Berthelsen ukioq manna aamma ilisarititsisuusassaaq.... DR-ip nunarsuarmi aallakaatitassiat suli ingerlasut pisoqaanersaannik ileqqutoqaasoq nangissavaa, Kalaallit Nunaannut juullimut Pilluaqqussut. DR-ip Juullimut Pilluaqqussutaa 76-issaa aallakaatinneqassaaq.

DR-ip aallakaatittagaasa pisoqaanersaat Radiohusip tusarnaartitsisarfitoqaani sisamanngornermi decembarip 18-ianni naggataamik allakaatilerpagu kissaassinerit kissalaartut Atlantikup avannaanut ingerlatinneqassasut, DR Online allappoq.

Julie Berthelsen aamma Søs Fenger ukioq manna Kalaallit Nunaannut Juullimut Pilluaqqussummi kalaallit meerartaannut erinarsussapput, aallakaatitassiaq Radiohusets koncertsalianiit naggataamik aallakaatinneqassaaq.

Tulleerlugu erinarsuut 'Godt igen' danskisut kalaallisullu erinarsorneqartussaq Kalaallit Nunaanni meeqqat ornittagassaannut aningaasanik katersuiniarnermut atatillugu atorneqassaaq, suliniut Julie Berthelsenip angajuatalu siuttuuffigisaat.

Kisianni Julie Berthelsen aamma Søs Fenger juullimut aallakaatittagatoqqami Atlantikup Avannaarsuanut uterlugulu juullimut kissalaartumik pilluaqquseqatigiinnermi kisiartaallutik aliikkusersuisuussanngillat. Inersuarmit toqqaannartumik aamma nittartakkamit nutaavimmit www.dr.dk/julehilsen, tassuunakkut aamma maannangaaq juullimut pilluaqqussutinik assitalinnik Kalaallit Nunaanniit tassungalu nassiussisoqarsinnaalereerluni.

Kalaallit erinarsoqatigiit Aavaat qulissaa peqataassapput, Kim Larsen & Kjukken glemmebogimiit meeqqat erinarsuutaannik atuissapput, aallakaatitamilu nipilersornikkut ilanngussat Kalaallit Nunaanni maannakkorpiaq tusaamasaanerpaamit erinarsortartumit Nina Kreutzmannimit naggaserneqassapput.

Aallakaatitassiaq ileqqutoqaasoq Sorsunnersuit Aappaat sioqqullugu Statsradiofonimit aallartissimasoq ukioq manna 76-issaa aallakaatinneqassaaq. Ukiut kingulliit 20-it DR TV pilluaqqussutinik aallakaatitsisartuusimavoq.

Aamma Kalaallit Nunaannut juullimut pilluaqqusisarnernik ileqqoq ingerlaannassaaq - aamma aappaagu, tusagassiortoq Thomas Christensen DR Musik-imeersoq ilisimatitsivoq.

- Ilisimasakka naapertorlugit ileqqutoqqap ingerlatiinnannginnissaanut pilersaaruteqartoqanngilaq. Kisianni tamanna koncertsalimi nutaami allamiluunniit ingerlateqqinneqassanersoq suli aalajangiiffigineqanngilaq.

Juullimi Pilluaqqusineq KNR-TV-kkut ulloq taanna aamma aallakaatinneqassaaq nal. 20.00.

Powered by Labrador CMS