Narsap "Knud Rasmussen" qitornarsiavittaaraa
Narsap kommunia umiarsuarlu nakkutilliissut "Knud Rasmussen" qaninnerusumik attaveqatigiilissapput.
Sakkutuut umiartortut umiarsuaatimik illoqartinnit assigiinngitsunit qitornarsiavinngortinneqartarnerannik ileqqutoqaq suli ingerlalluarpoq. Narsap kommuniata siornatigut umiarsuaaraq nakkutilliittut "Agpa" maanna Danmarkimi angalasoq qitornarsiavittaarinikuuaa. Tamanna tallimanngornermi decembarip 5-iani nalliuttorsiualaarnermik nalliussineqarpoq, Narsap borgmesteriata Kiista P. Isaksenip kalaallisuulisaarluni umiarsuarmik tikilluaqqusisuulluni.
– Narsap kommunia nammineq umarusuaq nakkutilliissut "Knud Rasmussen" qitornarsiavittaarisinnaanerlugu saaggifinnissimavoq, Kangilinnguani Kalaallit Nunaanni Sakkutooqarfik ilisimatitsivoq.
Umiarsuarmik nakkutilliissummik qitornarsiavittaarneq qanilluinnartumik ikinngutigiinnertut taaneqartarpoq, umiarsuup ikinngutitut illoqarfik ukiumut ikinnerpaamik ataasiarluni tikeraartassallugu, illoqarfiup meerartaasa allallu umiarsuaq pulaarsinnaasarlugu. Aamma ileqquuvoq umiarsuup tikeraarneranut atatillugu isikkamik arsaatitsisarneq.