Juullimi festernermut busserit
Nuup Kommuneata utoqqarnut siusinaartumillu utoqqalinersialinnut sisamanngornermi decemberip 11-ianni Katuami juullimut festertitsinera ussanneqarluarpoq. Taamatut allappoq www.nuuk.gl
Juullerpalaartitsisoqassaaq, nerersuartoarluni aliikkusersuisoqarlunilu, sisamanngorpat Katruaq ukioq manna illoqarfimmi utoqqarnut siusinaartumillu utoqqalinersialinnut julefrokosterfigineqalerpat. Taamatut paasissutissiivoq www.nuuk.gl.
Kommunimi utoqqalinersiallit 1.100-t ilaat 310-it nalliuttorsiornissami inissaqartinneqarput, nalliuttorsiornerlu aallartissaaq nalunaaqutaq 12.00, ingerlassallunilu nalunaaqutaq 16.00 tungaanut. Akunnerni sisamani festernerup ingerlanerani Nipilersornermik Ilinniarfimmi ilinniartut operamilku erinarsortartoq Ida Heinrich nipilersorlutillu erinarsussapput. Tamatuma saniatigut Jonathan Motzfeldt immikkut qaaqquneqarsimavoq juullip nalunaajaataanik atuaasussatut.
Bussimi utoqqalinersialittut allagartaq takutikkaanni busserneq aamma akeqanngilaq. Bussit Eqalugalinnguani kaajallattarfimmit ingerlaalissapput nalunaaqutaq 11.30-imiit, allagartaqassallunilu ´charter´.
Isumassuinermik immikkoortoqarfimmut saaffiginninnikkut pitsorluttut immikkoortoqarfiup biiliinik ingerlanneqarsinnaapput.