Juullip inua silaannarmi naapiguk
Air Greenland nalunaarpoq decemberip 18-iat aamma 19-iat ulikkaalereerlutik kisianniligooq decemberip 20-iat 22-iallu inissaqarpoq Danmark-mut juullisioriarniartunut.
Annonse
Juulilernera angallattoqartaqaaq. Juullimullu maanna sapaatit akunneri marluinnanngortut Air Greenland nalunaarpoq decemberip 18-iat aamma 19-iat ulikkaapajaalereersoq Danmark-imut juullisioriarnianut
Inissisaqarporligooq decemberip 20-ianut 22-ianullu imarpiup ikaarnissaanut utaqqisinnaagaanni.
- Aallarnerni kingullerni, tassalu decemberip 17-iat Narsarsuarmiit aammalu 22-iat Kangerlussuarmiit - juullip inua timmisartorsuarmi ilaaniarpoq, taama Air Greenland nalunaarpoq, ilanngullugu juullisunnissaatitut qaqorteqqasullerniartoq qaqqortarissamik nassaartumut tunissutissartalimmik.
Nunatsinnut uternissaq eqqarsaatigalugu immikkut ittumik januarip arfernat aamma imarpik ikaarlugu timmisartuussisoqarniarpoq.