Airbussei aallanngilaq
Anorersuarsuartut sakkortutigisumik anoraasuasartussaanera Danmarkimi Kalaallit Nunaannilu angalasussanut sunniuteqassaaq. Sarfaq Ittulli ualeru marlunut pilersaarutit malillugit Nuummiit allassaaq
DMIp, Danmarks Meteorologiske Institut, anorersuarsuartut sakkortutigisumik anoraasuasarluni silarlunnissaanik ilimasaarimmat ullumikkut timmisartut arlallit aallassanngillat. Nuummi ualerumiit unnuk ilanngullugu anorersuarsuartut sakkortutigisumik anorsaasuasarluni anorlissaq.
Imarpik qulaallugu timmisartussaq Kastrupimeersussaq taamaatinneqarsimavoq, ilaasussallu Danmarkimeersut pingasunngornermi decemberip qulinganni timmisartuunneqassapput, ilaasussallu ullaaq Kastrupiliarsimagaluartut hotelinut inissiortorneqarput.
GL 781/782-ilu Kangerlussuarmeersoq pingasunngorpamut kinguartinneqarpoq.
Ilaasut Nuummiit Maniitsukkoorlutik Kangerlussualiartut ullaaq manna Nuummut oqqunneqarsimapput, silarlunnera pissutaalluni Maniitsumut mittoqarsinnaanngimmat.
Air Greenlandip nalunaaqutaq 15:00 paasissutisseeqqittoqassanerarpaa. Sila ajussanngippat Air Greenland marlunngornermi unnukkut sinerissamiit ilaasussanik Kangerlussualiaasseriassaaq.
Sarfaq Ittummulli ilaasussat ajunnginnerulaartumik pineqassapput, taakku pilersaarutit malillugit ullumikkut marlunngornermi nalunaaqutaq marlunut Qaqortuliarlutik aallassagamik.