Allakkat suli apuunneq ajuleqqapput

tele.gl-imi internetimi data-t platform-imit allamiit platform-imut allamut sapaatip akunnerata naanerani nutserlugit nutarterneqarnerat ilimageqqaakkamiit ajornaatsiginngitsumik ingerlasimavoq.

Tele erkender at opgraderingen af systemet har budt på flere problemer end forventet.

Isumalluarsaarinerit pitsaagaluaqaat.

Kisianni tele.gl-ip database-nik sapaatip akunnerata naanerani nutarterinerit siunertamut naapertuuppallaarsimanngillat. tele.gl-imiit ataasinngornermi nalunaarutigineqarpoq mail-ikkut ajornartorsiutit ataasinngorneq naatinnagu aaqqinneqarumaartut.

Kisianni data-nik nussuinerup aallartinnissaata nalunaarutigineraniit ullut unnuallu tallimassaat ingerlasoq telemi mail-inik suli ingerlaqqissiinnaajunnaaqqasoqarpoq. Atuisartut 12-it missaanniittut Sermitsiap ataasinngornermi ullaakkut mail-inik ajornartorsiuteqartutut ilisimatitsissutigisai maanna 1500-it missaanniilersimapput.

Tamanna tele.gl-ip teknikkikkut pisortaata Jørgen Jespersenip ilisimatitsissutigaa.

– Allanngilaq illumut nutaamut nulluni, karsit eqqortut inissaannut eqqortumut nassaariniartussaallugit. Kingumut qiviarluni pisut taamak sivisutigisinnaanerat tupaallaatigaarput. Iluatsippallaarsimanngilaq, tamanna nassuerutigaarput, Jørgen Jespersen oqarpoq.

Annaasat/katatat angummassinnaaqqullugit tele.gl-ip task-force-imik taallugit immikkoortortat pilersissimavai, taakkulu telefon-ii marlunngornermi pingasunngornermilu nalunaaqutaq 22-ip tungaanut ammasimapput, taakkunatigut mailkontonut passwordit aaqqittinneqarsinnaasimallutik.

– Namminersortutut inussutissarsiuteqartunut annertunerusumik ajornartorsiuteqarsimavugut - taakkunani konto-t suliffeqarfimmut atassut - alias-konto-nik taasagut - tamaasa pigisimannginnatsigit. Sullitavut taakku qanittukkut ingerlaqqissinnaalernissaat neriuutigaarput, Jørgen Jespersen oqarpoq.

Tele.gl-ip sapaatip akunnerani siuliani kalerriutigaa database-nik nutarterisoqarlunilu nuutsitsisoqartussaasoq. Nuutiterinermut siunertarineqarpoq, spam-inut hacking-iullu tunngatillugu data-nik, fil-inik mail-ikkullu allakkanik nassiussueqatigiittarnerup isumannaannerulernissaat.

Powered by Labrador CMS