Internet aamma email unikaallattut
Qarasaasiaqarfimmut nutaamut allanngortiterineq pissutigalugu tele-mi atuisut email-i aammalu nittartakkat ilaat unikaallassimaarput.
– Platform-imut nutaamut nuukkiartornermi ajoraluartumik sapaatip akunnerata naanerani ingerlatsinikkut ajornartorsiuteqartoqartartussaassaaq. Assersuutigalugu nittartakkat TELEp serverianiittut iserfiginiarnerat ajornartorsiorfiusussaassapput, soorlumi mailimut webmailimullu iserniarneq aamma ajornartorsiutaasinnaassasoq, taama Tele nalunaarpoq.
Allanngortiterinermut pissutaavoq immap naqqatigut kabel-ip ukiumi nutaami atulersussap piareersarfigineqarnera.