Peqqinnissaqarfimmi sulisunut juullimi tunissutissat sipaarniutigineqarput
Peqqinnissaqarfimmi sulisut tamarmik Namminersornerullutik Oqartussanit juullimi tunissutisissanngillat. Tunissutisiassaat ukioq manna sipaarniutigineqarsimapput.
Angerlarsimaffimmi ikiorti, peqqissaasoq, nakorsaq sundhedsplejerskilu ukioq manna sulisitsisuminit juullimi tunissutisissanngillat. Namminersornerullutik Oqartussat karsi matuvaat sipaarniutissanillu ujarlerlutik missingersuutit misissorsimallugit. Sipaarniutissat ilaatigut nassaarineqarsimapput peqqinnissaqarfimmi sulisunut tamanut juullimi tunissutissanut missingersuummi.
– Tamatumunnga ataasiinnarmik oqaaseqaatissaqarpunga, tassalu sipaarniuteqassagatta, Søren Rendal, peqqinnissaqarfiup allattoqarfiani pisotaaneq, oqarpoq.
Taanna naliliivoq manna tikillugu juullimi tunissutinut millionip kuartiata missaaniittut atorneqartarsimasut:
– Eqqoriaanerinnaavoq, kisitsisit eqqortut piginngilakka. Tamattali sipaarniuteqassaagut, taanna Sermitsiaq.gl-imut oqarpoq.