Utoqqaat nunanut allanut attaveqaataat
Nuummiut utoqqartaat maanna utoqqarnut nunani allaniittunut attaveqaqatigiiffeqalersinnaalerput.
Nuummiut utoqqartaat suliniummut EU-mit tapiiffigineqartumut "older people 4 older people"-mut pqataalerput. Tamatumani siunertarineqarpoq utoqqaat najukkamilu oqartussaasut utoqqarnut tunngatillugu nunani allani utoqqarnut ilisimasanik paarlaasseqatigiissinnaalernissaat, Nuup Kommunia nittartakkamini allappoq.
– - Tamatumunnga ilaatinneqarnermut assut nuannaarutigaarput, tassa utoqqarnut tunngatillugu ilisimasanik pingaarutilinnik pissarsissagatta aammalununani allani pensionistit inuunerannit paasitinneqarsinnaassalluta, tamakkulu iluaqutiginiarsinnaavagut, taamak Utoqqaat Illuat-ni pisortaq Zoe Mariah Elsneri Kalaallit Nunaata peqataatinneqarnerani ataqatigiissaarisuusoq Nuuk.gl-imut oqarpoq.
– Kalaallit Nunaanni uagut suliniuterput apeqqutinik immersugassiat atorlugit ingerlanneqassaaq. utoqqaat 50-it sinnerlugit ukiullit peqataanissaat naatsorsuutigaarput inunnullu 1.700-it missaanniittunut immersugassianik nassitsisussaalluta, Zoe Mariah Elsner oqarpoq.
Utoqqaat imminut qano paasisarnerat pillugu ilisimasanik katersuinissaq HS Analysmit isumagineqassaaq.
Suliniut 2010-mi decembarip 31-iata tungaanut ingerlassaaq. EU-p aningaasartuutit 50 procentii akilissavai, 25 procentii aningaasaateqarfinnit akilerneqassapput, Nuup kommuneata sinneri akilissavai.