Kalaallit Nunaat silaannarmit eqqorneqariaannaavoq
Namminersornerup isumaa tassaanngilaq uagut silaannarmi katersugaasivittut silaannaallu ilisimatusarfigineqarneranut pinngortitamillu aliannaarsaariarfittut inissinnissapput. Lars-Emil Johansen oqarpoq (mf).
- Silaannaq pillugu isumaqatigiissummi Danmarkip EU-mut FN-illu ataaniittumut isumaqatigiissutaani Kalaallit Nunaat sumi inissisimava?
Lars-Emil Johansen taamak aperivoq. Taassuma erseqissarpaa naalagaaffiit suliffissuaqarfiusut mingutsitsinerat silaannakkoortoq ukiorpassuarni Kalaallit Nunaata nunataanut imartaanullu ingerlaartarsimasoq.
- Atominik qaartartorsuuppata radiolu qinngornerinik eqqagaappata nunat allat piinnarlugit akuerisarsimavagut. Nunat taakkorpiaat maanna isumaqarput uagut suliffissualiornissamut pilersaarutigut annikillisarlugillu aalisarnermut killilersulissagipput. Ingerlatsineq naapertuilluartuliornerunngilaq. Uagut namminersorneruneq tamaat nammineq nunatsinni pissutsit pitsanngortinniartuarsimavagut.
Naalagaaffeqatigiiffik ataatsimoortuusoq silaannaap pissusaa pillugu isumaqatigiissummut ilaassasoq Lars-Emil Johansen oqarpoq.
Lars-Emil Johansenip allaaserisaa tamaat Sermitsiami tallimanngorpat 19 decembarimi saqqummersussami atuarsinnaavat.