Atorfillit piareersimassapput

Kalaallit Nunaanni Namminersornerullutik Oqartussat atorfilittaat isumaqatiginninniartarnerup tungaatigut piginnaasamikkut qaffassarneqassapput.

Kalaallit Nunaanni Namminersornerullutik Oqartussat atorfilittani ukiup nutaap aallartinneraniit isumaqatiginninniartarnermut pikkorissartilissavai. Taamatut aaqqissuussisoqarpoq Kalaallit Nunaata isumaqatiginninniartarnerup tungaatigut unamminartut takkuttussaajumaartut piareersimaffigisinnaaniassammagit.

Tassami pisussat imaannaanngitsut piumaartussaapput. Pineqarput suliffeqarfissuarnik nunani tamani suliffeqarfiuteqartunik kattuffinnillu isumaqatiginninniarnissat, EU-mut isumaqatiginninniarnissat, sulisoqartitsinikkut suleqatigisanik akissarsiatigut isumaqatiginninniarnissat, ataatsimoortunik tapiissutinik Kanukokamik isumaqatiginninniarnissat Danmarkimullu isumaqatigiinniarnissat arlallit.

Aatsitassarsiornerup tungaatigut assersuutigalugu Alcoap pilersaarutaa aamma nunarsuarmi aningaasarsiornerup ajornartorsiortitsinera pillugu Kalaallit Nunaata siunissaanut aningaasaqarniarneranullu isumaqatiginninniarnerit isumaqatiginninniarnernillu pitsaasumik angusaqarnissat pingaaruteqarput. Taamaattumik Kalaallit Nunaanni innuttaasut inuuniarnikkut atugaasa pitsanngoriartortiinnarnissaanni Naminersornerusut pikkorissunik isumaqatiginninniartartoqarnissaannik piumasaqaatitaqarpoq, isumaqatiginninniartartut Namminersornerusut soqutigisaannik avataaniittunik isumaqatiginninniartarneranni anguniagaqartassapput.

Powered by Labrador CMS