Juullimi feriarnissaq annappoq
Juullip ukiortaallu missaani Ittoqqortoormiit immikkut marloriarluni timmisartorfigineqartassaaq.
Annonse
Air Iceland aalajangersimavoq decemberip 22-ianni januarillu 2-anni Reykjavikip aammalu Nerlerit Inaata akornanni immikkut marloriarluni timmisartortitsisarniarluni.
Sapaatip akunnerani kingullermi Sermitsiami allaaserineqartutut ilinniagaqartut arlallit juullimi feriarnerminni angerlarnissaminnut periarfissaqanngitsut, pissutigalugu juulli sioqqullugu ittoqqortoormiinut timmisartuussineq kingulleq pissammat decemberip 18-ianni, tamatumalu kingorna sapaatip akunneri pingasut aatsaat qaangiuppata timmisartumik attaveqartoqaqqissalluni. Sapaatip akunneri pingasut peqannginnissamut ilinniagaqarfiit akuersaarumasimanngilaat.